K8A Mark. 1 (KREIKKA NOVUM TEKSTIT)

k8a-2-1.pdf
File Size:	249 kb
File Type:	pdf

Download File

Avaa lukemista ja tulostamista varten yllä oleva pdf-tiedosto (päivitelty 27.4.2022).

K KREIKKA https://gen.fi/k.html
K8A NOVUM TEKSTIT https://gen.fi/k8a.html
K8A MARKUS https://gen.fi/k8a-2.html
K8A Mark. 1:1–45 Teksti
     https://gen.fi/k8a-2-1.html

SISÄLLYSLUETTELO

0. Dokumentteja
1. Mark. 1:1–45 Teksti
2. Tekstikriittisiä huomioita

0. DOKUMENTTEJA

Alkuteksti Ivan Paninin v. 1934 toimittaman numeerisen tekstilaitoksen mukaan
     https://www.scribd.com/document/644433/Ivan-Panin-The-New-Testament-in-the-Original-Greek
– uusi painos: Numeric Greek New Testament. Ed. Mark Vedder 2017/2019

Vertailuteksti: Society of Biblical Literature, Greek New Testament 2010
     http://sblgnt.com/
– löytyy myös http://raamattu.uskonkirjat.net/servlet/biblesite.Bible

K8B Mark. 1:1–45 Teksti & sanastoa
     https://gen.fi/k8b-2-1.html

1. MARK. 1:1–45

Mark. 1:1
᾿Αρχὴ τοῦ εὐαγγελίου ᾿Ιησοῦ Χριστοῦ.

Mark. 1:2
Καθὼς γέγραπται ἐν τῷ ᾿Ησαΐᾳ τῷ προφήτῃ·
᾿Ιδοὺ ἀποστέλλω τὸν ἄγγελόν μου πρὸ προσώπου σου,
ὃς κατασκευάσει τὴν ὁδόν σου·

Mark. 1:3
φωνὴ βοῶντος ἐν τῇ ἐρήμῳ·
῾Ετοιμάσατε τὴν ὁδὸν κυρίου,
εὐθείας ποιεῖτε τὰς τρίβους αὐτοῦ,

Mark. 1:4
ἐγένετο ᾿Ιωάνης ὁ βαπτίζων ἐν τῇ ἐρήμῳ
κηρύσσων βάπτισμα μετανοίας εἰς ἄφεσιν ἁμαρτιῶν.

Mark. 1:5
καὶ ἐξεπορεύετο πρὸς αὐτὸν πᾶσα ἡ ᾿Ιουδαία χώρα
καὶ οἱ ῾Ιεροσολυμεῖται πάντες,
καὶ ἐβαπτίζοντο ὑπ᾿ αὐτοῦ ἐν τῷ ᾿Ιορδάνῃ ποταμῷ
ἐξομολογούμενοι τὰς ἁμαρτίας αὐτῶν.

Mark. 1:6
καὶ ἦν ὁ ᾿Ιωάνης ἐνδεδυμένος τρίχας καμήλου
καὶ ζώνην δερματίνην περὶ τὴν ὀσφὺν αὐτοῦ,
καὶ ἔσθων ἀκρίδας καὶ μέλι ἄγριον.

Mark. 1:7
καὶ ἐκήρυσσεν λέγων·
῎Ερχεται ὁ ἰσχυρότερός μου ὀπίσω μου,
οὗ οὐκ εἰμὶ ἱκανὸς κύψας λῦσαι
τὸν ἱμάντα τῶν ὑποδημάτων αὐτοῦ.

Mark. 1:8
ἐγὼ ἐβάπτισα ὑμᾶς ὕδατι,
αὐτὸς δὲ βαπτίσει ὑμᾶς Πνεύματι ῾Αγίῳ.

Mark. 1:9
᾿Εγένετο ἐν ἐκείναις ταῖς ἡμέραις
ἦλθεν ᾿Ιησοῦς ἀπὸ Ναζαρὲτ τῆς Γαλιλαίας
καὶ ἐβαπτίσθη εἰς τὸν ᾿Ιορδάνην ὑπὸ ᾿Ιωάνου.

Mark. 1:10
καὶ εὐθὺς ἀναβαίνων ἐκ τοῦ ὕδατος
εἶδεν σχιζομένους τοὺς οὐρανοὺς
καὶ τὸ Πνεῦμα ὡς περιστερὰν καταβαῖνον εἰς αὐτόν·

Mark. 1:11
καὶ φωνὴ ἐγένετο ἐκ τῶν οὐρανῶν
Σὺ εἶ ὁ υἱός μου ὁ ἀγαπητός, ἐν σοὶ εὐδόκησα.

Mark. 1:12
Καὶ εὐθὺς τὸ Πνεῦμα αὐτὸν ἐκβάλλει εἰς τὴν ἔρημον.

Mark. 1:13
καὶ ἦν ἐν τῇ ἐρήμῳ τεσσεράκοντα ἡμέρας
πειραζόμενος ὑπὸ τοῦ Σατανᾶ,
καὶ ἦν μετὰ τῶν θηρίων,
καὶ οἱ ἄγγελοι διηκόνουν αὐτῷ.

Mark. 1:14
Καὶ μετὰ τὸ παραδοθῆναι τὸν ᾿Ιωάνην
ἦλθεν ὁ ᾿Ιησοῦς εἰς τὴν Γαλιλαίαν
κηρύσσων τὸ εὐαγγέλιον τοῦ Θεοῦ

Mark. 1:15
καὶ λέγων ὅτι
Πεπλήρωται ὁ καιρὸς καὶ ἤγγικεν ἡ βασιλεία τοῦ Θεοῦ·
μετανοεῖτε καὶ πιστεύετε ἐν τῷ εὐαγγελίῳ.

Mark. 1:16
Καὶ παράγων παρὰ τὴν θάλασσαν τῆς Γαλιλαίας
εἶδεν Σίμωνα καὶ ᾿Ανδρέαν τὸν ἀδελφὸν Σίμωνος
ἀμφιβάλλοντας ἐν τῇ θαλάσσῃ, ἦσαν γὰρ ἁλεεῖς·

Mark. 1:17
καὶ εἶπεν αὐτοῖς ὁ ᾿Ιησοῦς·
Δεῦτε ὀπίσω μου,
καὶ ποιήσω ὑμᾶς γενέσθαι ἁλεεῖς ἀνθρώπων.

Mark. 1:18
καὶ εὐθὺς ἀφέντες τὰ δίκτυα ἠκολούθησαν αὐτῷ.

Mark. 1:19
καὶ προβὰς ὀλίγον εἶδεν
᾿Ιάκωβον τὸν τοῦ Ζεβεδαίου
καὶ ᾿Ιωάνην τὸν ἀδελφὸν αὐτοῦ,
καὶ αὐτοὺς ἐν τῷ πλοίῳ καταρτίζοντας τὰ δίκτυα,

Mark. 1:20
καὶ εὐθὺς ἐκάλεσεν αὐτούς.
καὶ ἀφέντες τὸν πατέρα αὐτῶν Ζεβεδαῖον
ἐν τῷ πλοίῳ μετὰ τῶν μισθωτῶν ἀπῆλθον ὀπίσω αὐτοῦ.

Mark. 1:21
Καὶ εἰσπορεύονται εἰς Καφαρναούμ.
καὶ εὐθὺς τοῖς σάββασιν εἰσελθὼν
εἰς τὴν συναγωγήν ἐδίδασκεν.

Mark. 1:22
καὶ ἐξεπλήσσοντο ἐπὶ τῇ διδαχῇ αὐτοῦ,
ἦν γὰρ διδάσκων αὐτοὺς ὡς ἐξουσίαν ἔχων
καὶ οὐχ ὡς οἱ γραμματεῖς.

Mark. 1:23
καὶ εὐθὺς ἦν ἐν τῇ συναγωγῇ αὐτῶν
ἄνθρωπος ἐν πνεύματι ἀκαθάρτῳ, καὶ ἀνέκραξεν

Mark. 1:24
λέγων· Τί ἡμῖν καὶ σοί, ᾿Ιησοῦ Ναζαρηνέ;
ἦλθες ἀπολέσαι ἡμᾶς;
οἶδά σε τίς εἶ, ὁ ἅγιος τοῦ Θεοῦ.

Mark. 1:25
καὶ ἐπετίμησεν αὐτῷ ὁ ᾿Ιησοῦς λέγων·
Φιμώθητι καὶ ἔξελθε ἐξ αὐτοῦ.

Mark. 1:26
καὶ σπαράξαν αὐτὸν τὸ πνεῦμα τὸ ἀκάθαρτον
καὶ φωνῆσαν φωνῇ μεγάλῃ ἐξῆλθεν ἐξ αὐτοῦ.

Mark. 1:27
καὶ ἐθαμβήθησαν ἅπαντες,
ὥστε συζητεῖν πρὸς ἑαυτοὺς λέγοντας·
Τί ἐστιν τοῦτο; διδαχὴ καινή·
κατ᾿ ἐξουσίαν καὶ τοῖς πνεύμασι τοῖς ἀκαθάρτοις ἐπιτάσσει,
καὶ ὑπακούουσιν αὐτῷ.

Mark. 1:28
Καὶ ἐξῆλθεν ἡ ἀκοὴ αὐτοῦ εὐθὺς πανταχοῦ
εἰς ὅλην τὴν περίχωρον τῆς Γαλιλαίας.

Mark. 1:29
Καὶ εὐθὺς ἐκ τῆς συναγωγῆς ἐξελθόντες
ἦλθον εἰς τὴν οἰκίαν Σίμωνος καὶ ᾿Ανδρέου
μετὰ ᾿Ιακώβου καὶ ᾿Ιωάνου.

Mark. 1:30
ἡ δὲ πενθερὰ Σίμωνος κατέκειτο πυρέσσουσα,
καὶ εὐθὺς λέγουσιν αὐτῷ περὶ αὐτῆς.

Mark. 1:31
καὶ προσελθὼν ἤγειρεν αὐτὴν κρατήσας τῆς χειρός,
καὶ ἀφῆκεν αὐτὴν ὁ πυρετός, καὶ διηκόνει αὐτοῖς.

Mark. 1:32
᾿Οψίας δὲ γενομένης, ὅτε ἔδυσεν ὁ ἥλιος,
ἔφερον πρὸς αὐτὸν πάντας τοὺς κακῶς ἔχοντας
καὶ τοὺς δαιμονιζομένους·

Mark. 1:33
καὶ ἦν ὅλη ἡ πόλις ἐπισυνηγμένη πρὸς τὴν θύραν.

Mark. 1:34
καὶ ἐθεράπευσεν πολλοὺς κακῶς ἔχοντας ποικίλαις νόσοις,
καὶ δαιμόνια πολλὰ ἐξέβαλεν,
καὶ οὐκ ἤφιεν λαλεῖν τὰ δαιμόνια,
ὅτι ᾔδεισαν αὐτόν Χριστὸν εἶναι.

Mark. 1:35
Καὶ πρωῒ ἔννυχα λίαν ἀναστὰς
ἐξῆλθεν καὶ ἀπῆλθεν εἰς ἔρημον τόπον κα᾿ ᾿κεῖ προσηύχετο.

Mark. 1:36
καὶ κατεδίωξεν αὐτὸν Σίμων καὶ οἱ μετ᾿ αὐτοῦ,

Mark. 1:37
καὶ εὗρον αὐτὸν καὶ λέγουσιν αὐτῷ ὅτι
Πάντες ζητοῦσίν σε.

Mark. 1:38
καὶ λέγει αὐτοῖς·
῎Αγωμεν ἀλλαχοῦ εἰς τὰς ἐχομένας κωμοπόλεις,
ἵνα καὶ ἐκεῖ κηρύξω, εἰς τοῦτο γὰρ ἐξῆλθον.

Mark. 1:39
καὶ ἦλθεν κηρύσσων εἰς τὰς συναγωγὰς αὐτῶν
εἰς ὅλην τὴν Γαλιλαίαν καὶ τὰ δαιμόνια ἐκβάλλων.

Mark. 1:40
Καὶ ἔρχεται πρὸς αὐτὸν λεπρὸς παρακαλῶν αὐτὸν,
καὶ γονυπετῶν λέγων αὐτῷ ὅτι
᾿Εὰν θέλῃς δύνασαί με καθαρίσαι.

Mark. 1:41
καὶ σπλαγχνισθεὶς, ἐκτείνας τὴν χεῖρα αὐτοῦ ἥψατο,
καὶ λέγει αὐτῷ· Θέλω, καθαρίσθητι·

Mark. 1:42
καὶ εὐθὺς ἀπῆλθεν ἀπ᾿ αὐτοῦ ἡ λέπρα, καὶ ἐκαθαρίσθη.

Mark. 1:43
καὶ ἐμβριμησάμενος αὐτῷ εὐθὺς ἐξέβαλεν αὐτόν,

Mark. 1:44
καὶ λέγει αὐτῷ·
῞Ορα μηδενὶ μηδὲν εἴπῃς,
ἀλλὰ ὕπαγε σεαυτὸν δεῖξον τῷ ἱερεῖ
καὶ προσένεγκε περὶ τοῦ καθαρισμοῦ σου
ἃ προσέταξεν Μωϋσῆς, εἰς μαρτύριον αὐτοῖς.

Mark. 1:45
ὁ δὲ ἐξελθὼν ἤρξατο κηρύσσειν πολλὰ
καὶ διαφημίζειν τὸν λόγον,
ὥστε μηκέτι αὐτὸν δύνασθαι εἰς πόλιν φανερῶς εἰσελθεῖν·
ἀλλὰ ἔξω ἐπ᾿ ἐρήμοις τόποις ἦν·
καὶ ἤρχοντο πρὸς αὐτὸν πάντοθεν.

2. TEKSTIKRIITTISIÄ HUOMIOITA

Tekstikritiikin osalta ei tarkastella pienten ja isojen kirjainten käyttöä, välimerkkejä eikä sellaista sanajärjestyksen vaihtelua, jonka merkitys on allekirjoittaneen mielestä vähäinen.

Vertailtava Society of Biblical Literature, Greek New Testament 2010 -muoto on annettu hakasulkeissa.

᾿Ιωάνης [᾿Ιωάννης] (useita jakeita)

j. 5 ῾Ιεροσολυμείτης [῾Ιεροσολυμίτης]

j. 8 βαπτίσει ὑμᾶς Πνεύματι ῾Αγίῳ. [βαπτίσει ὑμᾶς ἐν πνεύματι ἁγίῳ.]

j. 16, 17 ἁλεεῖς [ἁλιεῖς]

j. 32 ἔδυσεν [ἔδυ]

j. 34 ᾔδεισαν αὐτόν Χριστὸν εἶναι. [ᾔδεισαν αὐτόν.]

j. 41 σπλαγχνισθεὶς [ὀργισθεὶς]